Skemmtilegur snúningur á hinu klassíska UNO! Í grunninn er það alveg eins og UNO, en við bætast FLIP spilin. Þessi UNO stokkur er tveggja hliða, með dökkri og ljósri hlið. Þið byrjið á að spila ljósu hliðina, en ef einhver spilar út Flipp spili, þá verðið þið að skipta yfir í dökku hliðina. Á dökku hliðinni eru svo önnur aðgerðarspil með harðari refsingum. Sem dæmi, í stað þess að draga eitt spil, þá þarftu að draga fimm spil á dökku hliðinni. Þið verðið að vera á dökku hliðinni þar til einhver spilar út öðru Flipp spili.
Ef þú kannt ekki UNO, þá skiptast leikmenn á að para spil af hendi við spil sem er efst í frákastsbunkanum, annað hvort eftir tölu, lit, eða merki. Ef þú getur ekki parað, þá dregur þú spil úr stokknum.
Táknin merkja aðgerðir, eins og gildir allt; sleppa; gildir allt dragðu 2; dragðu eitt; og viðsnúningur. Þessi útgáfa inniheldur líka Flipp spil sem snýr spilunum á dökku hliðina sem hefur eftirfarandi aðgerðir: Draga fimm; viðsnúningur; sleppa öllum; gildir allt; gildir allt dragðu lit; og flipp.
Þegar þú spilar út næstsíðasta spilinu þínu, þá verður þú að segja „UNO!“ til að láta aðra leikmenn vita að þú eigir aðeins eitt spil eftir. Ef þú segir ekki „UNO“ og einhver áttar sig á því, þá þarftu að draga tvö spil. Þegar einhver leikmaður er búinn með spilin sín, þá er umferðinni lokið, og sá leikmaður fær stig fyrir hvert spil sem aðrir leikmenn eru með á hendi. Spilið þar til einhver nær 500 stigum.
Umsagnir
Engar umsagnir komnar