Spennandi samvinnuleikur úr smiðju Matt Leacock. Eins og í öðrum Pandemic spilum taka leikmenn sér hlutverk sóttvarnarteymis sem reynir að hefta útbreiðslu skæðra sjúkdóma áður en þeir breytast í faraldra.
Eins og titillinn gefur til kynna, er sögusviðið Norður-Ameríka en spilið er minna í sniðum en hefðbundið Pandemic og er spilað á styttri tíma. Því er auðveldara að taka það með sér t.d. í ferðalög.
Getið þið bjargað mannkyninu?
Stefán Ingvar Vigfússon –
Frábær stutt útgáfa af Pandemic. Hér er Norður Ameríka ein undir, spilið er styttra og gangverkið ögn frábrugðið upprunalega, þótt það sé keimlíkt. Hér er Pandemic þjappað í ca hálftíma, og það kemur mjög vel út. Ég sæki það oftar en upphaflegu útgáfuna.