Í þessu klikkaða fjölskylduspili eru leikmenn að gramsa í sameiginlega vöruhúsinu til að ná í sem besta íhluti í geimskipið sitt — allir á sama tíma.
Þegar skipunum er skotið af stað, lenda leikmenn í hættulegum aðstæðum og þurfa á sama tíma að hafa augun opin fyrir fjárhagslegum ávinningi, þar sem hver fyrir sig er að reyna að ná í verðmætasta farminn, og um leið halda skipinu sínu heillegu. Það er auðvitað hægara sagt en gert því allskonar hættur munu skjóta búta af skipinu þínu, farminn, og áhöfninni þinni út í myrkan geiminn.
Markmiðið þitt er að lifa ferðina af — vonandi með eitthvað af áhöfninni og skipinu óskaddað — og vera með minnst einn pening í leikslok (gróði, jei!). Leikmenn geta fengið pening með því að afhenda vörur, sigra geimræningja, vera með flottasta skipið, og að komast á leiðarenda á undan hinum.
Þessi útgáfa af Galaxy Trucker er endurgerð af spilinu sem kom út 2007 eftir Vlaada Chvátil og inniheldur nýjar teikningar, fleiri skipaflísar, endurhönnuð áhrif spila, og straumlínulagaða spilun sem felur í sér eina ferð í geimnum. Að því sögðu, ef þú vilt lengra spil, og erfiðara, þá er hægt að taka þrjár ferðir í einu spili í Transgalactic Trek útgáfunni.
Umsagnir
Engar umsagnir komnar