Samvinnuspil um búskap og vináttu byggt á Stardew Valley tölvuleiknum eftir Eric Barone. Vinnið saman til að bjarga dalnum frá hinu fyrirlitlega fyrirtæki, JojaMart! Til að ná því, þá þurfið þið að fiska, rækta, vingast og finna alls kyns afurðir til að uppfylla markmið afa og endurbyggja félagsheimilið. Safnið alls kyns hlutum, ræktið dýr, og rannsakið námuna. Náið ykkur íi kraftmiklar uppfærslur og hæfileika, og eftir því sem árstíðirnar líða, sjáið hvort þið getið verndað töfra Stardew Valley.
Markmið spilsins er að uppfylla markmið afa og endurbyggja félagsheimilið, sem krefst þess að þið safnið mismunandi afurðum, sem eru sýndar með flísum. Þið hafið takmarkað magn af umferðum til að ná þessu. Það er keyrt áfram með 20 spila árstíðastokk, þar sem hvert spil setur af stað ákveðna atburði. Í sameiningu ákveðið þið í hverri umferð á hvað hvert ykkar setur fókus og spilar sínu peði á þeim hluta dalsins. Með aðgerðum ykkar heimsækið þið ákveðna staði, og reynið að ná í afurðir til að uppfylla sameiginlegt markmið. Dæmi um aðgerðir eru: Vökva plönturnar, reyna að veiða fisk, kasta tening til að rannsaka námurnar, og mörg til viðibótar. Þegar árstíðastokkurinn er búinn, lýkur spilinu.
Umsagnir
Engar umsagnir komnar