Star Wars: Bounty Hunters er létt kænskuspil þar sem þið keppist um að vera besti hausaveiðarinn í sólkerfinu. Þið hafið þrjú markmið sem geta gefið ykkur stig: ná skotmörkum, klára samninga, og kaupa vélmenni og kassa af Jawa-fólkinu.
Þið þurfið ekki að bíða eftir neinum, því þið spilið öll á sama tíma. Þið byrjið með 4 spil á hendi. Í hverri umferð, þá veljið þið spil úr einum af bunkunum sem eru í boði (skotmörk, veiðimenn, samningar, og Jawa markaðurinn). Svo megið þið velja um að spila eða selja spil. Að lokum réttið þið restina af spilunum ykkar til þess sem situr vinstra megin við ykkur.
Skotmörk hafa mismunandi varnartölur, en veiðimenn og vélmenni eru með árásartölur. Til að ná skotmarki, þá þarftu jafnháa eða hærri tölu en skotmarkið er með, og nærð henni með þvi að setja veiðimann og vélmenni hjá skotmarkinu. Þegar þú hefur sigrað skotmark, þá er því snúið á hlið.
Þið megið líka uppfylla samninga með því að velja samningaspil. Þau gefa bónusstig fyrir að ná ákveðnum skotmörkum og kaupa kassa.
Það ykkar sem er fyrst til að ná 4 skotmörkum fær bónusa, og kveikir þannig á síðustu 2 umferðunum. Með skorblokkinni teljið þið stigin sem þið fenguð fyrir skotmörk, samninga, og kassa, og dragið frá stig sem þið notuðuð til að ráða veiðimenn. Það ykkar sem fær flest stig hampar titlinum Besti hausaveiðari sólkerfisins!
Umsagnir
Það eru engar umsagnir enn.