Skoðað: 463
Panic Tower! er fjölskylduspil þar sem leikmenn þurfa að stafla trékubbum og mynda turna.
Leikmenn skiptast á að setja trékubba á níu litaða reiti á spilaborðinu, og stafla upp í turna. Kubbarnir eru í þremur stærðum, og leikmenn draga spil sem sýna hvaða kubba á að nota og á hvaða liti á að setja.
Ef einn eða fleiri turnar falla þegar leikmaður er að gera, þá fær hann mínusstig. Þegar föllnu kubbarnir hafa verið teknir í burtu, þá á næsti leikmaður að gera. Þrjú mínusstig, og þú dettur úr leik.
VERÐLAUN OG VIÐURKENNINGAR
- 2010 Spiel des Jahres Kinderspiel – Tilnefning
- 2010 Kinderspielexperten “5-to-9-year-olds” – Annað sæti
Sigursteinn –
Þetta er fjölskylduspil sem allir hafa gaman að. Auðvelt og skemmtilegt. Spennan er að láta turnana ekki detta og það verður einmitt mjög spennandi þegar líður á.
Hjördís Jóna Bóasdóttir –
Virkilega spennandi og skemmtilegt spil. Öll fjölskyldan spilar þetta saman og allir skemmta sér vel.
Ásta Eydal –
Mjög skemmtilegt spil, hentar allann aldur og hægt að útfæra fyrir hin ýmsu tilefni.
Ólína Ingibjörg Jóhannesdóttir –
Spennandi og skemmtilegt spil fyrir alla.
Margrét –
Frábært spil, einfalt að læra og spila. Það er alveg ótrúlegt hvað turnarnir geta orðið háir, ég mæli ekki með að spila þetta beint undir ljósakrónunni fyrir ofan borðstofuborðið, turnarnir munu rekast í hana fyrr en varir! Spennan getur orðið mikil þegar turnarnir eru orðnir valtir og allt getur hrunið á hverri sekúndu. Þegar turnarnir svo hrynja er auðvelt að ganga frá kubbunum og byrja næstu umferð.
Rebekka R. –
Gott spil! Höfum lent í rosalegu turna einvígi þar sem allir kubbarnir kláruðust og endaði því á jafntefli. Bara leiðinlegt fyrir þá sem eru ofur skjálfhentir og verða snemma úr leik.
Guðlaug Bára Helgadóttir –
Skemmtilegt fjölskylduspil sem snýst um að raða upp turnum. Spennan að raða upp án þess að þeir falli getur verið krefjandi en mjög skemmtileg og tíma vel varið með fjölskyldunni.
Anna Lilja Steindórsdóttir –
Æðislegt spil sem allir geta spilað. Börnin, mamman og pabbinn einnig amman og afinn. Hefur smá Jenga fíling og gaman að reyna að raða turnana skakka/valta til að vera leiðinleg við andstæðinginn en gæti bitnað á manni sjálfum. Mæli með:)
Kristrún Ósk Brynjarsdóttir –
allir geta spilað reynir á einbeitingu og þolinmæði. Gaman að raða turnum skökkum til að vera leiðinleg og með áskorun við andstæðinginn en getur bitnað svo á manni sjálfum, elska þetta spil mæli með fyrir alla
Hafdís –
Þetta er nokkurn vegin alveg eins og Jenga bara á þvervegin. Jenga er vinsælla í mínum spilahóp heldur en panic tower
Eyrún Halla Kristjánsdóttir –
Frábært fjölskylduspil sem vekur alltaf kátínu og gleði hjá krökkum sem og fullorðnum þegar turnarnir falla…. hjá hinum.
sigrunasta69 –
Mjög skemmtilegt spil fyrir alla aldurshópa. Auðvelt að læra það og spennan í hámarki þegar mótherjinn setur sína kubba, sérstaklega þegar turnarnir eru orðinir stórir.
Klara Ingólfsdóttir –
Skemmtilegt spil bæði fyrir börnin og fyrir fullorðna með smá öli jafnvel, í sitthvoru lagi að sjálfsögðu. Höfum hlegið mikið þegar við spilum Panic Tower í partýi og jafnvel enn meira með börnunum. Alltaf svo mikil spenna þegar turnarnir eru orðnir háir og gaman þegar þeir falla svo, auðvitað meira gaman þegar þeir falla hjá keppinautunum.
Magnús –
Óþolandi hvað krakkarnir eru góðir í þessu spili. Kannski er það því ég er svo skjalfhentur. En, frábært spennu spil fyrir allan aldur, meira að segja mig.