Greedy Goose

Svo mikið af góðgæti! Í Greedy Goose grípur þú það sem goggurinn nær í. En allt á sín takmörk og of mikið er of mikið. Jafnvel gráðugasta gæsin mun að lokum hafa fengið nóg, og hver sem safnar og miklu af sömu tegund mun ekki geta breytt þeim í stig.

Greedy Goose er léttlynt og ljúft spil með miklum samskiptum og tilfinningum.

Stokkurinn samanstendur af númeruðum spilum frá 1-4 þar sem þristarnir eru bæði gulir og grænir. Tólf aðgerðaspil eru á sveimi líka. Dreifið spilunum á grúfu á borðið. Hvert ykkar tekur þrjú spil á hendi.

Þegar þú átt leik, þá verður þú að snúa einu spili upp. Ef tvö eins spil snúa upp núna, þá endar umferðin þín og þú tekur öll spil upp sem snúa upp og setur í höndina þína. Ef ekki, þá máttu annað hvort snúa við öðru spili (og gá aftur hvort tvö eins snúi upp á borðinu), stoppa og taka öll spil sem snúa upp, eða ljúka umferðinni þinni og skilja öll spilin sem snúa upp eftir fyrir næsta leikmann.

Ef þú snýrð við aðgerðarspili, þá getur þú annað hvort stolið spili frá andstæðingi eða gefið þeim eitt af spilunum þínum, eftir því sem spilið sýnir. Þú mátt líka leiða það hjá þér. Hvort sem þú velur, þá hendir þú spilinu eftir það.

Ef þú ert einhvern tímann með fleiri spil af sömu gerð og talan á spilinu sýnir, þá verður þú að henda öllum þeim spilum — út úr spilinu. Ef þú færð annan ás — henda báðum! Ertu með fleiri en þrjá græna þrista? Farnir!

Haldið áfram að spila þar til búið er að snúa öllum spilum við, og takið svo stig fyrir höndina ykkar. Hver ás er 3 stig, og öll önnur spil eru 1 stig. Það ykkar sem fær flest stig sigrar.