Leiksvæðið í Spilavinum kvatt
Þann 1. maí lokaði leiksvæðið í kjallaranum á Spilavinum.
Leiksvæðið hefur verið gífurlega vinsælt, enda einn af fáum stöðum sem hægt hefur verið að fara með yngstu kynslóðina til að eiga skemmtilega samverustund innandyra. Fylgifiskur vinsældanna er álag á leiksvæðið, sem hefur með árunum látið á sjá. Við fengum Heilbrigðiseftirlitið í heimsókn með tillögur um úrbætur til að gæta að öryggiskröfum sem gerðar eru í dag. Með þær að leiðarljósi þyrftum við að endurbyggja svæðið frá grunni og ekki í okkar anda. Því lokum við þessum kafla í sögu Spilavina.
Planið í augnablikinu er að nýta rýmið þar sem leiksvæðið var undir hittinga fyrir stærri hópa. Við munum auglýsa það betur síðar.
Í kjallaranum verður borðspilasafnið okkar áfram í boði fyrir ykkur sem vilja koma og prófa allskonar spil með fjölskyldu, börnum og vinum.
Við hlökkum til að taka á móti ykkur 