Feed the Kraken

Feed the Kraken er blekkingarspil með leynilegum hlutverkum, með þremur ósamstæðum fylkingum. Þið sitjið kannski öll í sama bát en viljið sigla í mismunandi áttir! Hinir tryggu sjómenn verða að koma skipinu heilu til hafnar á meginlandinu, á meðan sjóræningjarnir vilja sigla í leyni inn í Bermúda þríhyrninginn. Á sama tíma er sértrúarsöfnuðurinn upptekinn við að sannfæra hluta áhafnarinnar um að hjálpa þeim við að kalla fram þeirra myrka drottinn — Kraken — úr djúpinu til að bjarga þeim öllum.

Markmið spilsins er að sigla skipinu að áfangastaðnum sem fylkingin sem þú tilheyrir vill. Verst er að fylkingarnar þrjár vilja fara á þrjá mismunandi staði á kortinu. Í hverri umferð siglir skipið í eina af þremur áttum sem eru í boði — en hverja þeirra? Það ykkar sem er skipstjóri í augnablikinu, ásamt völdum liðsforingja, mun rannsaka forn sjókort og koma skipunum sínum — sem stundum stangast á — til valins stýrimannsins, sem þarf að taka lokaákvörðunina um hvert skal siglt. Restin af skipsverjum er upptekin af því að drekka romm, veðja, og segja sögur ag fornum sæskrímslum.

Eftir hverja hreyfingu skipsins hætta liðsforinginn og stýrimaðurinn á vakt, og skipstjórinn þarf að finna einhvern sem er nógu edrú til að taka við hlutverkinu. Allir geta rætt sín á milli hversu vel síðasta hreyfing á skipinu gekk, hverjum er um að kenna fyrir núverandi stefnu skipsins, og hver ætti að taka stjórnina í framtíðinni. Sannfærið óvini ykkar um að það sé þeim í hag að gera ykkur að næsta liðsforingja, eða stýrmanni. Byssurnar gætu jafnvel farið á loft og uppreisn skipað nýjan skipstjóra! En hve lengi getur þú haldið trausti áhafnar þinnar? Næsta uppreisn gæti beðið þín ef ákvarðanir þínar falla ekki áhöfninni að geði.

Awards & Honors

• 2024 Gra Roku Best Party Game – Tilnefning
• 2022 Golden Geek Best Party Game- Tilnefning