Evenglow

Djúpt í Everglow skógi leynist forn lundur þar sem jörðin er full af dulúð sem gerir henni kleift að koma upp furðulegustu plöntum. Þessar dularfullu plöntur bera með sér kraft til að búa til mixtúrur sem breyta raunveruleikanum og gefa öllum sem á þeim smakka hæfileikann til að galdra. En þessi heilagi lundur geymir leyndarmál sem aðeins alkemistarnir sem grufla í moldinni þekkja. Til að þessar plöntur dafni þarf að vera jafnvægi. Til að kraftarnir raungerist þurfa alkemistarnir að virkja krafta sólarinnar og tungslins.

Evenglow er aðgengilegt kænskuspil þar sem þið reynið að verða alkemistar með því að rækta tvo garða sem á sama tíma virkja krafti sólar og tunglsins.

Með kænskuna að vopni, leggið þið flísar í bæði Sólar- og Tunglgarðinn, og speglið lagninguna til að skapa jafnvægi. Ólíkar plöntur þurfa mismunandi skilyrði til að dafna, og sumar er hægt að nota til að búa til mixtúrur sem flýta fyrir þér. Eftir ákveðinn fjölda umferða, þá leggið þið saman stigin úr bæði Sólar- og Tunglgarðinum, og það ykkar sem fær flest stig sigrar!

Allir gera í einu, þar sem það ykkar sem á leik velur tvær plöntur fyrir sig, og þar með hvaða plöntur aðrir fá að nota. Plöntupör þurfa svo að vera lögð í speglaðan hluta garðanna, annars vegar í Sól og hins vegar í Tungli.

Vatnslitamyndirnar í Evenglow eru eftir Clémentine Campardou sem einnig málaði myndir fyrir Wyrmspan og Origin Story.