Restart

Í Restart getur þú sankað að þér flísum og blokkað aðra frá því að spila út þeirra flísum, en hvert ykkar gerir það best? Hvert ykkar sem fyrst losnar við allar sínar flísar — eða er með fæst stig í lok spilsins — sigrar.

Snúningurinn í spilinu kemur frá sérstökum flísum eins og RESTART og END flísunum, sem geta breytt gangi spilsins á svipstundu. Að auki gera Skærin og Ruslatunnan þér kleift að fjarlægja flísar úr röðum, sem gefur þér kost á klókindum.

Hvert ykkar fær skilrúm og ákveðinn fjölda flísa á bak við það, eftir fjölda leikmanna. Svo setjið þið alla 1-flísar sem þið fenguð á miðjuna á borðinu til að byrja röð fyrir alla fimm litina.

Þegar þú átt leik, þá máttu spila út einni eða mögulega fleiri flísum til að halda áfram með röð í sama lit. Flísar sem spilað er út verða að hafa hærri tölu en flísin á undan í röðinni, og margar flísar má aðeins setja út ef þær eru í hreinni talnaröð (t.d. 4, 5, og 6 í sama lit).

Reset inniheldur flísar í fimm litum, númeraðar frá 1-15, auk tveggja sérstakra flísa með tölunni 16: END flísin sem lokar röð, og RESTART flísin endurræsir röðinni sem hún er sett í (gildir 16 þegar henni er spilað út, en 0 fyrir flísar sem koma á eftir). Til viðbótar við lituðu flísarnar, þá eru tvær tegundir af sérstökum flísum sem hægt er að spila á hvaða röð sem er: Skæraflísin leyfir þér að fjarlægja síðustu flísina á röð. Ruslaflísin leyfir þér að fjarlægja allar flísar úr röð, nema 1-flísina. Eftir að hafa spilað út annarri hvorri þessara flísa, Skærunum eða Ruslinu, máttu halda áfram og leggja flísar í sömu röð og þú varst að fjarlægja úr.

Umferð lýkur þegar enginn getur spilað út eða þið hafið öll sagt pass. Þá skorið þið flísarnar sem hvert ykkar á eftir og byrjið nýja umferð með nýrri gjöf. Spilið heldur áfram þar til eitt ykkar er með 100 eða fleiri stig, eða ef eitthvert ykkar nær að spila út síðustu flísinni sinni. Sigurvegarinn er það ykkar sem er með fæst stig, eða það sem náði að klára allar flísarnar sínar.