Skrímsli eru að ráðast á Kingsburg! Þau safnast við landamærin, og ætla ræna og rupla ríkið! Kóngurinn hefur valið þig til að stjórna landamærunum; þú færð hérað til að sinna og hjálpa til við varnir ríkisins. Til að ná því þarftu að ná áhrifum hjá ráðgjöfum konungsins og í konungsfjölskyldunni til að fá gull, við, steina, og hermenn til að auðga og vernda héraðið þitt. En þú ert ekki eini héraðsstjórinn sem er að leita áhrifa. Aðrir leikmenn sækja á sömu lendur fyrir héröðin sín.
Spilið á sér stað á fimm árum, samtals 20 umferðir. Á hverju ári eru þrjár árstíðir sem gera þér kleift að safna aðföngum, byggja byggingar, og þjálfa hermenn. Fjórða hver umferð er vetur, en þá ráðast skrímslin inn í landið. Hver leikmaður þarf að berjast við skrímslin í sínu héraði, svo þetta er ekki samvinnuspil.
Aðföngin fáið þið með því að ná áhrifum hjá ráðgjöfum kóngsins. Leikmenn setja áhrifateningana sína á ráðgjafana, sem hver fyrir sig ræður yfir mismunandi aðföngum, hermönnum, stigum, og öðrum gæðum sem leikmaðurinn sem á teningana fær í þeirri umferð. Leikmaðurinn sem fær lægstu summuna á teningana sína fær að byrja umferðina; sniðug leið til að jafna út léleg teningaköst. Jafnvel með mjög lélegukasti getur klókur leikmaður gengið út frá ráðgjöfunum með magn af aðföngum og/eða hermönnum.
Eftir fimm ár, er það leikmaðurinn sem hefur þróað héraðið sitt hvað lengst, og þar með safnað sem flestum stigum sem sigrar.
Þetta er önnur útgáfa af Kingsburg, og inniheldur sex viðbætur sem hægt er að nota við grunnspilið.
Umsagnir
Engar umsagnir komnar