Í Castles of Mad King Ludwig fáið þið það verkefni að reisa stórkostlegan kastala fyrir Loðvík II í Bavaríu. Sjáið til, kóngurinn elskar kastala, og var að klára að byggja Neuschwanstein (kastalinn sem Disney kastalinn er innblásinn af) og fleiri, en núna vill hann að þið byggið stærsta og besta kastala sem byggður hefur verið — sem veltur á duttlungafullum skoðunum hans sem sífellt eru að breytast. Hvert ykkar er byggingaverktaki sem bætir við herbergjum við kastalann sinn, og selur þjónustu sína um leið til annarra leikmanna.
Í spilinu byrjið þið með einfalt anddyri. Eitt ykkar tekur að sér að vera Meistarinn í umferðinni, og velur sett af herbergjum sem hægt er að byggja í umferðinni, og verðið á þeim. Meistarinn fær hins vegar að velja síðastur allra, og allir borga Meistaranum fyrir herbergið sem þau velja. Þegar þú bætir herbergi við kastalann þinn, þá færðu stig eftir stærð og tegund herbergisins, og mögulega bónusa fyrir staðsetninguna á herberginu. Þegar herbergi er klárað, og allir útgangar þess leiða í aðrar vistarverur kastalans, þá færðu ein af sjö sérstökum verðlaunum.
Eftir umferðina er nýr Meistari settur, sem fær að velja ný herbergi og verðið á þeim. Eftir nokkrar umferðir er spilinu lokið, og þið fáið aukastig fyrir að ná bónusmarkmiðum, vera með vinsælustu herbergin, og fara eftir duttlungum konungs — sem breytast í hverju spili. Það ykkar sem fær flest stig sigrar.
VERÐLAUN OG VIÐURKENNINGAR
- 2016 Vuoden Peli Strategy Game of the Year Winner
- 2016 Juego del Año Recommended
- 2016 Hra roku Finalist
- 2016 Årets Spil Best Adult Game Nominee
- 2015 Mensa Select Winner
- 2015 Hra roku Finalist
- 2015 Guldbrikken Best Adult Game Winner
- 2015 Goblin Magnifico Nominee
- 2014 Meeples Choice Award Winner
- 2014 Golden Geek Most Innovative Board Game Nominee
- 2014 Golden Geek Board Game of the Year Nominee
- 2014 Golden Geek Best Strategy Board Game Nominee
- 2014 Golden Geek Best Solo Board Game Nominee
- 2014 Golden Geek Best Family Board Game Nominee
- 2014 Golden Geek Best Board Game Artwork & Presentation Nominee
- 2014 Board Game Quest Awards Game of the Year Nominee
- 2014 Board Game Quest Awards Best Strategy/Euro Game Nominee
Ingibjörg Jóna Magnúsdóttir –
Virkilega skemmtilegt spil, gaman að setja allskonar herbergi saman!