BarSvar (e. Pubquiz)

Fyrir alla sem hafa gaman af spurningaleikjum, þá er svarið BarSvar (stundum kallað pubquiz). Engin spurning!

Við komum til ykkar með alls kyns spurningar úr öllum áttum, myndagátur og fleira. Spurningarnar á skjánum geta verið á ensku, til að erlendir gestir geti líka tekið þátt.

Svona er BarSvar spilað

Spyrillinn ber spurningar upp eina af annarri, og hvert lið skrifar svör sín á blað. Oft eru stutt hlé til að fólk geti fyllt á veigarnar, eða búið til pláss fyrir fleiri veigar. Stundum spurningunum er lokið, þá rennir spyrillinn yfir allar spurningar einu sinni enn — ef tími leyfir og fólk vill.

Svo eru svarblöðin látin ganga á næsta borð. Því næst eru svörin lesin upp og þátttakendur gefa nágrönnum sínum stig. Að lokum er svarblöðum skilað til réttra liða og úrslit fengin.

Hægt er að fá spyril frá Spilavinum til ykkar, hitta ykkur í Spilavinum, eða jafnvel fá FjarSvar (BarSvar yfir netið) ef vinnustaðurinn er dreifður.

BarSvar í Spilavinum

Mánaðarlega, á fimmtudegi, höldum við BarSvar í Spilavinum þar sem við leggjum undir okkur efri hæðina og spilum saman BarSvar. Hér að neðan getur þú séð hvenær næsta BarSvar í Spilavinum er og bókað sæti.