Spilavinir munu þann 1. júlí halda íslandsmeistaramót í spilinu Dominion.
Fyrir þá sem ekki þekkja er Dominion skemmtilegt og krefjandi borðspil sem byggir á spilastokkum. Hver leikmaður byrjar með 10 spil en smátt og smátt kaupa leikmenn spil inn í stokkinn til að stækka og bæta sitt “konungsveldi”. Einn leikur af Dominion tekur bara um 30 mínútur og hver leikur er mismunandi.
Á mótinu verða spilaðar þrjár umferðir af þriggja og fjögurra manna leikjum. Þeir sem koma stigahæstir úr þeim umferðum spila undanúrslita- og úrslita leiki upp á efstu sætin.
Auk verðlauna vinnur sigurvegarinn sér inn þátttökurétt á heimsmeistaramóti Dominion sem verður á GenCon í Indiana í Bandaríkjunum 15. – 18. ágúst!
Mótið byrjar klukkan 18:30. Allir sem kunna Dominion eru velkomnir og kvöldið verður skemmtlegt og spennandi.
Gott væri að skrá sig á mótið sem fyrst með því að melda sig á Facebook eða senda tölvupóst á spilavinir@spilavinir.is.