Þeir sem hafa gaman að Varúlfi ættu að geta skemmt sér vel í þessu spili, því stemmingin er svipuð en enginn dettur úr leiknum.
Spilið gengur út á það að allir leikmenn eru annaðhvort í góða liðinu (andspyrnan) eða vonda liðinu (njósnarar) nema að andspyrnan veit ekki hverjir eru njósnarar og hverjir eru með þeim í liði. Upp hefjast því gríðar miklar rökræður um hver sé góður og hver sé njósnari.
Í hverri umferð er einn leikmaður sem á að velja ákveðið marga leikmenn til að fara í sendiför. Hann þarf samt að passa að senda enga njósnara því annars gæti sendiförin misheppnast.
Frábært spil í alla staði sem nær upp jafnvel enn meira andrúmslofti af tortryggni en Varúlfur. Þetta er systurspil Resistance: Avalon, sem er eins spil nema með hlutverkum sem gera mismunandi hluti innan hvors hóps.
VERÐLAUN OG VIÐURKENNINGAR
- 2011 Japan Boardgame Prize Voters’ Selection – Tilnefning
- 2010 Golden Geek Best Print & Play Board Game – Tilnefning
- 2010 Golden Geek Best Party Board Game – Tilnefning
Vigdís Arna –
Skemmtilegt partí spil, hentar mjög vel ef maður er með spilakvöld með fleirum en 5 manns, mæli með!
Alex þór Brynhildarson –
Mjög gott spil fyrir stærri hópa (5+). Svipuð pæling og Varúlfa spilið nema þetta hefur þann kost að enginn dettur úr leiknum, allir spilarar eru með allan spilatímann
Inga Björk Matthíasdóttir –
Frábært partýspil sem snýst um útsjónarsem og kænsku. Skemmtilegast í strórum hópum.