Það er eins með borðspil, bækur og bíómyndir, sumt er vinsælt en hrífur okkur ekki, annað hefur ekki náð neinum hæðum en er í miklu uppáhaldi hjá okkur. Þegar hillurnar eru að fyllast og spil að daga uppi í þeim, þá er um að gera að losa sig við það sem hentar ekki. því Við erum öll ólík, og það sem hentar ekki einu okkar gæti verið uppáhald einhvers annars. Borðspilamarkaður, eins og Spilavinir halda árlega í maí, eru tilvalið tækifæri til að koma spilunum í umferð aftur, og leita að gimsteinum sem gætu eignast fastan stað í hillunni hjá þér.
Þann 16. maí síðastliðinn héldum við hinn árlega Borðspilamarkað sem gekk framar vonum. Fljótlega eftir að við opnuðum fylltist húsið af fólki og var fullt fram eftir degi. Alls voru tæplega 20 manns að losa spil úr hillunum sínum, auk þess að við í Spilavinum tókum fyrsta skrefið í að grynnka á spilasafninu okkar í kjallaranum.
Nú í lok maí hefst svo Lagerhreinsun Spilavina, þar sem við búum til pláss á lagernum fyrir ný og spennandi spil fyrir ykkur. Lagerhreinsunin verður eingöngu í vefversluninni. Ef þú ert á póstlistanum, þá færðu póst um leið og við opnum fyrir Lagerhreinsunina. (Þú getur skráð þig á póstlistann hér.)
