Næstu daga er 20% afsláttur af Catan og öllum viðbótum fyrir spilið í Spilavinum. Dagarnir 27. – 29. nóvember verða Catan dagar og hvetjum við alla til að kíkja til okkar, bæði vana spilara og þá sem hafa ekki kynnst þessu skemmtilega spili ennþá.
Í Catan bregða leikmenn sér í hlutverk landnema sem keppa um auðlindir á lítilli eyju. Þeir stofna þorp og leggja vegi til að tryggja umsvif sín og viðskiptahagsmundi. En fljótlega verður eyjan ansi þéttsetin og hafa þarf sig allan við til að verða ekki undir.
Catan er margverðlaunað spil sem meðal annars var kosið „Spil aldarinnar“ árið 2000 og hefur gert ótrúlega góða hluti fyrir borðspilamenninguna. Spilið er oft flokkað sem eitt besta „Gateway“ spilið en það eru spil sem er auðvelt að læra og fá fólk til að vilja prófa þyngri spil seinna.
Um Catan helgina verður spilið og viðbæturnar uppi á borðum og hægt er að prófa það hjá okkur. Ef þú hefur ekki spilað Catan þá er tilvalið að kíkja til okkar og skoða hvort það væri ekki bara snilld fyrir fjölskylduna eða vinahópinn.
