Spil í símalausa skóla

Við lifum á dæmalausum tímum — að minnsta kosti þau okkar sem ekki eru í stærðfræði eða eðlisfræði, þau eru alltaf í einhverjum dæmatímum. Þar skora símalausir skólar hátt, sem og í öðrum tímum, því einbeitingin skiptir alltaf máli í námi.

Þegar bjallan glymur og börnin hlaupa út í frímínútur skína símalausir skólar skært! Íþróttir og leikir blómstra sem aldrei fyrr. Samtöl og sambönd verða til. Spilin eru tekin fram og skemmtunin sem þau veita verður öllum ljós.

Innblásin af fréttum um símalausa skóla tókum við saman spil sem okkur finnst ómissandi í símalausa skóla. Þessi spil eru stutt, lítil og nett, og því gott að grípa í þau í þröngum tímaramma. Það er líka auðvelt og fljótlegt að kenna reglurnar — og læra þær — og því gott að bjóða nýja leikmenn velkomna að borðinu.

Hér eru spilin, í stafrófsröð.

6 Nimmt

Veldu spil sem verður ekki sjötta spilið í neinni röð, því þá færðu mínus! Enn skemmtilegra með fleiri leikmönnum.

Bara eitt

Samvinnuspil þar sem þú færð orð og restin hjálpar þér að giska hvaða orð.

Brain Freeze

Við drögum spil og reynum að hika ekki þegar við þurfum að nefna hlut sem passar við spilið.

Cabanga

Við setjum út spil með eins litlu talnabili og við getum, því við viljum ekki fá Cabanga! á okkur.

Ekki séns

Öll svörin eru tölur. Þitt hlutverk er að toppa eða stoppa síðasta svar. Pínkulítið og nett spurningaspil.

Hilo

Reyndu að vera með fæst refsistig þegar einhver rýfur 99 stiga múrinn. Afslappað og notalegt spil.

Five Crowns

Gífurlega vinsælt spil sem minnir á rommí, byrjar með fáum spilum sem fjölgar smám saman.

Flip 7

Fáðu eins mörg spil og þú getur án þess að fá tvö eins og springa. Eitt af okkar allra vinsælustu spilum.

Fun Facts (ísl.)

Hversu vel þekkist þið? Hversu vel þekkið þið sjálf ykkur? Samvinnuspil sem sameinar hópinn.

Ligretto

Eins og að leysa léttan kapal í kappi við aðra. Orkumikið spil. Hægt að stækka fyrir allt að 12 leikmenn.

Qwixx

Frábær blanda af teningaheppni og klókindum.

Skip-Bo

Getur þú klárað bunkann þinn á undan hinum? Þetta er ekki hraðaspil, því hér gilda klókindin.

Stutt Stopp

Hraðaspil þar sem þið reynið að losna við stafaspilin ykkar á undan hinum, með því að segja orð sem byrja á stafnum ykkar.

Taco Köttur Geit Ostur Pizza

Spenna og hraði. Eins og að horfa á dans þegar hreyfingarnar fara af stað. Metsöluspil.

Tímalína

Sagnfræði hefur aldrei verið skemmtilegri. Hvað gerðist á undan eða eftir hverju?

Trio

Frábær blanda af veiðimanni, minnisspili og kænsku. Vertu á undan að fá þrjá slagi.

Tvenna

Finndu mynd á spjaldinu þínu sem er líka á spjaldinu í miðjunni — á undan öllum hinum.

Uno

Einfalt og klassískt — Ólsen Ólsen með meiru.

Spil í leik og kennslu

Helstu atriðin til að hafa í huga þegar spil eru valin til kennslu.

Spilalistar fyrir öll skólastig, frístund og félagsheimili

Við höfum sérvalið spil fyrir öll skólastig, félagsstarf og sérkennslu.