Arboretum er spil sem er einfalt en með mikla dýpt. Leikmenn reyna að ná sem flestum stigum með því að búa til fallega stíga í gegnum garðinn fyrir gesti.
Í stokknum eru 80 spil í 10 mismunandi litum, þar sem hver litur er sérstök trjátegund; hver litur er merktur tölum frá 1 til 8. Fjöldi lita í spilinu veltur á fjölda spilara. Leikmenn byrja með sjö spil á hendi. Þegar þú átt leik, þá dregur þú tvö spil (úr bunkanum eða frákastinu), leggur spil á borðið sem hlut af þínum garði, og hendir spili í einka-frákastið þitt.
Þegar stokkurinn er búinn bera leikmenn saman spilin sem eftir eru á hendi til að ákvarða hver skorar fyrir hvaða lit. Fyrir hvern lit, er það leikmaðurinn með hæsta spilið í einum lit skorar fyrir stíga í garðinum sínum sem byrja og enda í sama lit. Fyrir hvert spil í stígnum færðu eitt stig. Ef stígurinn er eingöngu úr litnum sem verið er að skora, þá færðu tvö stig fyrir hvert spil. Ef þú ert ekki með hæsta spilið í litnum, þá færðu ekkert stig fyrir stíga sem byrja og enda í sama lit. Leimaðurinn með flestu stigin sigrar.
VERÐLAUN OG VIÐURKENNINGAR
- 2015 Meeples’ Choice – Tilnefning
- 2015 Golden Geek Best Card Game – Tilnefning
- 2015 Golden Geek Best Board Game Artwork/Presentation – Tilnefning
Þorsteinn Atli Kristjánsson –
Krúttlegt, einfalt og fljótlegt spil þar sem þú ert að búa til fallegast trjágarðinn úr spilum með trjám nr. 1-8 af 6 mismunandi sortum.
Hver einasti gjörningur felur í sér ótrúlega erfiðar ákvarðanir vegna þess að þú vilt hafa sem mest af einhverri sort í borði en einungis sá sem heldur á mestu af hverri sort í hendi fær stig fyrir þá sort.
Magnað hvað einn lítill stokkur af spilum getur búið til jafn taugatrekkjandi spil með jafn krúttlegu þema.
Spilast frábærlega fyrir 2 leikmenn (hef ekki prófað með fleirum).
Klara Ingólfsdóttir (staðfestur eigandi) –
Ótrúlega sniðugt spil sem mér finnst alltaf gaman að spila. Elska hvernig stigagjöfin virkar, það er fljótlegt í spilun og gaman að þróa betra taktík með hverri spilun. Spilin eru líka með fallegum myndum sem skemmir ekki fyrir.
Stefán Ingvar Vigfússon –
FRÁBÆRT spil. Leikmenn keppast um að gróðursetja trégarð með tölum í stígandi röð. Hver einasta ákvörðun skiptir rosalega miklu máli. Arboretum er eiginlega engu spili líkt. Virkilega fallega skreytt líka.
Hólmfríður María Bjarnardóttir –
Arboretum er ekki bara virkilega fallegt spil heldur líka skemmtilegt og krefjandi (á góðan hátt). Þú býrð til fallegan trjágarð í stígandi röð. Þú getur skemmt fyrir andstæðingnum en þarft líka að passa upp á þín eigin tré.
Líka mikill plús hvað spilið er lítið!