Cardline: Animals er kortaspil, sem spilað er með um það bil 100 spila stokki. Báðar hliðar spilanna sýna dýr, nafn dýrsins og tegund (spendýr, froskdýr, og svo framvegis), á meðan meðallengd, -þyngd og -lífaldur er bara prentað á hina hliðina. Í hvert sinn sem þið spilið ákveðið þið fyrst upp á hvað þið ætlið að spila; hvort þið séuð að bera saman lengd, þyngd eða aldur dýranna.
Ef þið kunnið Timeline, þá eruð þið enga stund að tileinka ykkur Cardline.
Til að stilla spilinu upp setur hvert ykkar ákveðinn fjölda spila fyrir framan sig, hvar öll spilin snúa með aukaupplýsingarnar niður. Eitt spil er sett á mitt borðið með aukaupplýsingarnar upp. Þið skiptist svo á að velja eitt af spilunum ykkar og velja því stað við hlið spilsins/spilanna á borðinu, og snúið svo spilinu við til að sjá hvort það er á réttum stað í röðinni. Ef spilinu var rétt spilað út, það er að segja að talan í flokknum sem þið völduð er í réttri töluröð miðað við spilin við hliðina. Þá fær spilið að vera þarna áfram. Annars er spilið fjarlægt og það ykkar sem átti spilið dregur sér nýtt spil.
Það ykkar sem fyrst losar sig við öll spilin sín sigrar. Ef fleiri en eitt ykkar klárið í sömu umferðinni, þá haldið þið áfram sem kláruðuð (hin detta úr leik) og spilið þar til aðeins eitt ykkar klárar í einni umferð.
VERÐLAUN OG VIÐURKENNINGAR
- 2013 Le Lys Enfant – Sigurvegari
- 2013 Golden Geek Best Children’s Board Game – Tilnefning
- 2013 As d’Or – Jeu de l’Année – Tilnefning
Umsagnir
Engar umsagnir komnar