Carnegie er innblásið af lífi Andrew Carnegie sem fæddist í Skotlandi 1835. Andrew Carnegie og foreldrar hans fluttust til Bandaríkjanna árið 1848. Þó starfsferill hans hafi hafist við ritsímann, þá lék hann stórt hlutverk í stáliðnaðinum í Bandaríkjunum sem gerði hann að einum ríkasta manni heims og flaggbera ameríska draumsins.
Andrew Carnegie var líka velgjörðarmaður og mannvinur; þegar hann lét lífið árið 1919 hafði meira en 350 milljónir dollara af auðæfum hans runnið til margskonar styrktarsjóða og aðrar 30 milljónir til líknarmála. Styrkir frá honum sköpuðu næstum 2.500 almenningsbókasöfn sem bera nadn hans: Carnegie bókasöfnin.
Í spilinu ertu að ráða og stýra starfsmönnum, stækka viðskiptaveldi þitt, fjárfesta í fasteignum, framleiða og selja afurðir, og búa til flutningakeðjur um gervöll Bandaríkin; þú gætir jafnvel fengið að vinna með mikilvægum maneskjum frá tímabilinu. Kannski getur þú orðið frægur velgjörðarmaður sem leggur sitt af mörkum til að auka velferð lands síns með örlæti sínu!
Spilið er spilað yfir 20 umferðir; leikmenn velja sér eina aðgerð af fjórum í hverri umferð, sem aðrir leikmenn mega svo fylgja.
Markmið spilsins er að byggja upp mest metna fyrirtækið, sem er gert með því að safna sem flestum stigum.
Umsagnir
Engar umsagnir komnar