Chronicles of Crime : 1400

„Þú ert Abelard Lavel, riddari sem hefur svarið sig í þjónustu við Karl IV hinn elskaða. Þú býrð í París í fjölskyldusetri, ekki langt frá hinni frægu Notre Dame dómkirkju. Frá því þú varst barn hefur þig dreymt furðulega, forspárlega drauma þar sem þú sást ofbeldisfullar senur frá glæpum fyrri tíma, eða jafnvel sem á eftir að fremja. Í gegnum árin hefur þú lært nýta þessa óvenjulegu gáfu og farið að leysa mál sem enginn annar hefur getað leyst. Þetta hefur gefið þér góðan orðstír í borginni, og nú leitar fólk til þín þegar dularfullur glæpur hefur verið framinn.“

The Chronicles of Crime: 1400 er sjálfstætt spil sem notar hið vel-þekkta gangverk úr hinu upprunalega Chronicles of Crime spili en með skemmtilegum nýjum snúningi. Nú getur þú dregið ályktanir — ekki aðeins út frá sönnunargögnunum sem þú finnur, eða upplýsingum sem fólk gefur þér, heldur líka út frá dularfullum senum sem þú færð með hinum nýju Vision-spilum. Þessar senur geta verið úr fortíð eða framtíð, og þær innihalda yfirleitt persónur og hluti sem þú hefur ekki enn fundið.

Á meðan á rannsókninn stendur, þá getur þú líka reitt þig á fjölskylduna þína um að deila upplýsingum með þér. Þú getur spurt frænda þinn, munk sem er fullur af fróðleik um ritaðan texta; systur þína sem er kaupmaður og veit sitthvað um næstum hvaða hlut sem þú finnur; eða bróður þinn njósnara konungs, sem kann sögur eða tvær um flest fólk sem á vegi þínum verður. Loks er trygglyndur hundurinn þinn alltaf til í að rekja slóð hins grunaða fyrir þig, svo lengi sem þú getur fundið hlut sem viðkomandi á.

Hluti af Chronicles of Crime – The Millennium Series 

Þetta spil er hluti af seríu sem tengist Chronicles of Crime og er kölluð The Millenium Series. Í henni eru þrjú sjálfstæð spil sem öll byggja á sama gangverkinu, en með skemmtilegan snúning innan þess.

VERÐLAUN OG VIÐURKENNINGAR

• 2021 Gra Roku Best Thematic Game – Tilnefning
• 2020 Golden Geek Best Cooperative – Tilnefning