Cities: Skylines – The Board Game er samvinnuspil byggt á vinsælum tölvuleik með sama nafni frá Paradox Interactive.
Spilið hefst með fjórum leikborðum, en það er reyndar stillanlegt. Markmiðið er að klára ákveðinn fjölda áfanga og á sama tíma að halda íbúum borgarinnar hamingjusömum. Við upphaf hvers áfanga er eitt samliggjandi landsvæði valið og því snúið við. Leikmenn eru með spjöld sem sýna hvað þeir geta byggt, og þurfa að ræða og plana með öðrum leikmönnum hvernig best sé að þróa borgina. Spjöldin sýna hvaða áhrif hver bygging hefur á borgina. Sum auka þörfina á rusasöfnun, minnka glæpi, bæta við umferð, eða gefa bónus ef hún er við hliðina á garði til dæmis.
Flísar eru notaðar til að tákna íbúabyggð, verslanahverfi, iðnaðarhverfi og fleiri byggingar. Þær eru mismunandi í laginu og eru settar á reitina á leikborðinu, svo leikmenn þurfa að hugsa fram í tímann til að nýta plássið sem best.
Þegar leikmenn eru búnir að klára einn áfanga, þá velja þeir næsta borð til að stækka borgina, skora fyrir hamingju borgaranna, og byrja á nýjum áfanga. Þegar síðasta áfanganum er náð, þá er spilið búið og heildarhamingjan skoruð. það er aðeins einn borgarsjóður, og allir leikmenn nota hann þegar þeir fá tekjur fyrir borgina og þegar þeim vantar pening til að byggja spítala eða kaupa nýtt spjald. Það skiptir því miklu máli að passa upp á peninginn, því gjaldþrot og tap blasir við þeim sem gera það ekki!
Umsagnir
Engar umsagnir komnar