dnup

Markmiðið í dnup er að losna við öll spilin sín af hendi.

Hvert ykkar byrjar með átta eða tíu spil á hendi, þar sem hvert spil er með mismunandi tölum frá 1-10 efst og neðst á spilinu, t.d. 1 og 7. Þið takið öll spilin upp í einu; megið endurraða þeim frá vinstri til hægri hvenær sem er, en megið ekki snúa þeim. Þegar þú átt leik, þá hendir þú fyrst spilunum sem eru fyrir framan þig (ef þú getur), og svo máttu velja á milli:

1. Spila út spilum af hendi.
2. Bæta einu spili við sett.
3. Taka spil af borðinu.
4. Snúa við öllum spilunum sem þú ert með á hendi.

Þegar þú spilar út spilum, þá spilar þú út einu eða fleiri spilum með sömu tölunni — en ef þú spilar út jafn mörgum spilum og annar leikmaður hefur þegar gert, þá verða spilin þín að hafa gærri tölu. Ef þú spilar út hærri spilum, t.d. tveimur 5 þegar einhver er með tvo 2, þá þarf viðkomandi að snúa spilunum sínum og taka þau aftur á hendi.

Þegar þú bætir við spili, þá bætir þú við spili með sömu tölu og einhver annar hefur þegar spilað út — og ef sá er þá með jafnmörg spil og þriðji leikmaðurinn, þá þarf sá leikmannanna sem er með lægri tölur að snúa spilunum sínum og taka á hendi.

Þegar þú tekur upp spil, þá tekur þú öll spilin sem annar leikmaður hefur sett út, snýrð þeim við og setur á hendi.

Það ykkar sem fyrst losar öll spilin af hendi fær 2 stig, og fær ekki aftur spil á hendi — þó einhver setji út hærri tölur. Það ykkar sem er annað til að losna við öll spilin sín af hendi fær 1 stig. Spilið þar til eitthvert ykkar er komið með 4 stig, og þá sigrar það ykkar sem er með flest stig.