Fantastique

Í Fantastique byrjar hvert ykkar með tíu spil á hendi úr stokki sem inniheldur spil með tölum frá 1-8. Við upphaf hverrar af sjö umferðum, snýrð þú við spilum, setur eins tölur saman í bunka (með allt að þremur spilum í hverjum bunka) þar til þú hefur búið til fimm bunka.

Svo þarf hvert ykkar að leggja niður eitt eða fleiri spil með sömu tölunni af hendi, með fyrirvaranum að það má ekki leggja niður eins sett og aðrir eru með. Það ykkar sem leggur út settið með flestum spilum — hærra talnagildi sker úr um jafntefli — fær gullmedalíuna fyrir þá umferð. Næststærsta settið fær silfur, og í 4-5 manna spili, þá fær þriðja stærsta settið bronsverðlaun. Verðlaun hækka í verði eftir því sem líður á spilið.

Til að ljúka umferð, þá veljið þið einn af bunkunum sem eru í boði og bætið honum á höndina ykkar, og það ykkar sem spilaði út hæstu spilunum — fjöldi spila sker úr um jafntefli — og fær að velja fyrst.

Eftir sjöundu umferðina, þá sýnið þið höndina ykkar og sjáið hvert ykkar fær aðalverðlaunin, gull og silfur, í lokin. Það eru sex mismunandi leiðir til að skora fyrir aðalverðlaunin, og mælt er með að byrja á að veita þau til þess ykkar sem er með flesta ása, tvista og þrista. Aðrar leiðir til að fá stig fela í sér að telja fjölda spila sem eru í lengstu röðinni þinni (og telja tvöföld spil með), fjölda spila í lægstu tölunni og hæstu tölunni þinni, og fjölda spila sem þú átt eftir á hendi þegar þú hefur fjarlægt töluna sem þú átt mest af.