Fields of Arle

Í Fields of Arle, eftir verðlaunahöfundinn Uwe Rosenberg, eru einn eða tveir bændur í litlu og friðsælu þorpi í Arle í Austur-Frisia að fara í gegnum fjögur og hálft ár á velmektartímabili á svæðinu, með ný tækifæri og áskoranir á milli árstíða. Ræktið landið til að fá sem mest út úr eftirspurninni eftir hör, eða finnið aðrar leiðir til að fá sem mest út úr velmekt þorpsins.

Hvort sem hörræktun verður fyrir valinu eða aðrar atvinnugreinar, þá þarftu að gæta að því að eiga alltaf land til að stækka þorpið þitt. Grafðu skurði til að halda vatninu í skorðum og stækka akrana þína. Þurrkaðu upp mýrar til að sækja þér mó og undurbúðu landið svo fyrir frekari rækt. Komdu upp landi fyrir búpeninginn, byggingar, eða ræktarland framtíðarinnar; svo getur þú  ákvðið hvort þú vilt heldur hýsa dýr eða koma þér upp ræktarskógi.

Í upphafi hvers hálfs-árs þurfið þið að ákveða hvernig þið munuð nýta þann tíma til vinnu. Það eru margar leiðir til að byggja upp auð.  Fjölgið verkfærum sem þið getið notað, einbeitið ykkur að þjálfa naut til að nýta búfénaðinn sem best, eða byggið ykkur upp flota farartækja til að koma vörunum ykkar til skila. Það er mismunandi á milli árstíða hvernig þið takið saman framgang ykkar. Þið gætuð mjólkað búfénaðinn, eða hugsað um nýfædd dýr. Þið gætuð slegið hörlandið á haustin og rúið kindurnar að vori. Við enda hvers hálfs-árs, þá þurfið þið að taka saman framgang ykkar með því að afhlaða farartækin og útvega mat fyrir fjölskyldu og dýr, svo það er mikilvægt að fylgjast með árstíðunum.

Þegar þið eruð komin á lagið með ræktunina og að safna afurðum, þá er kominn tími til að gera vörurnar ykkar aðgengilegar væntanlegum kaupendum. Þeim mun fleiri farartæki sem þið hafið, þeim mun fleiri vörum getið þið komið til skila. Sendið vörurnar um allan heim til að öðlast ferðareynslu sem gefur ykkur stig í gegnum spilið. Það eru margar leiðir til að sigra í Fields of Arle, svo veljið ykkur eina, ræktið landið og njótið vinalegrar samkeppni í þessu verðlaunaspili.

VERÐLAUN OG VIÐURKENNINGAR

• 2017 Gra Roku Advanced Game of the Year – Tilnefning
• 2015 Kennerspiel des Jahres – Meðmæli
• 2015 International Gamers Award – General Strategy: Two-players – Tilnefning
• 2015 Cardboard Republic Architect Laurel – Tilnefning
• 2014 Meeples’ Choice – Tilnefning
• 2014 Golden Geek Best Solo Board Game – Tilnefning
• 2014 Golden Geek Best 2-Player Board Game – Tilnefning