Forest Shuffle – Dartmoor

Forest Shuffle: Dartmoor er sjálfstætt spil í Forest Shuffle fjölskyldunni og kynnir til sögunnar ný kjörlendi og nýjar tegundir með nýjum eiginleikum og bónusum til að kanna. Eins og í fyrri útgáfum af hinu upprunalega Forest Shuffle, þá keppið þið um að byggja dýrmætasta lífríkið með því að setja niður tré og runna, og laða svo tegundir að þessum svæðum til að búa til lífríki þar sem flóra og fána eru í jafnvægi.

Það sem er nýtt í Dartmoor eru svæðaspilin (e. terrain) sem er spilað lárétt út og eru heimili eða fæðustaður fyrir mismunandi tegundir, öðruvísi en tré eða runnar. Vegna náttúru svæðanna, þá er aðeins hægt að spila út tegundum ofan á eða undir svæðaspili. Dádýr og aðrar tegundir forðast mýrar og mó. Þau þurfa að drekka en eru ekki örugg nærri lækjum og ám. Svo þið þurfið að gæta að hvar þið setjið tegundirnar ykkar.

Eins og fyrra spilið, þá er sérstök bakhlið: Öll 180 spilin í stokknum er hægt að setja á grúfu og búa til mýri, ef aðgerðin leyfir. Hellarnir í Forest Shuffle: Dartmoor munu nú verða dregnir út í upphafi spilsins og bjóða upp á ósamhverfar aðstæður í byrjun spilsins. Að auki hefur fjölda trjátákna verið fækkað úr átta í sex til að gera bónusa auðveldari.

Gangverk spilsins er ósnert: Til að byrja fær hver leikmaður sex spil á hendi, með spilum sem sýna annað hvort ákveðna tegund af tré eða runna eða tvo móabúa (dýr, plöntur), þar sem seinni spilin eru skipt í helminga, lóðrétt eða lárétt, með einn íbúa á hvorum helmingi. Þegar þú átt leik, dregur þú annað hvort tvö spil — hvort sem er úr bunkanum eða af borðinu — og bætir þeim á hendi, eða spilar út spili af hendi með því að henda öðrum spilum til að borga fyrir það, og setja svo það spil á svæðið þitt. Í lokin sigrar það ykkar sem fær flest stig.