Fungi

Fungi er endurútgáfa á spilinu Morels sem kom út árið 2012 og vakti mikla lukku.

Spilið fer með tvo leikmenn í göngutúr um skóg þar sem vex fjöldi sveppa. Þar safna þeir ýmsum tegundum og matbúa þá svo yfir eldstæðinu. Gómsætir réttir munu líta dagsins ljós, sérstaklega þegar sveppirnir eru smjörsteiktir eða eplavín sullast á pönnuna. Með réttunum fást stig, sem svo ráða úrslitum.

Óvenjulegt og lifandi þema með fallegum teikningum gerir Fungi að áhugaverðu spili fyrir þau ykkar sem leitið að tveggja-manna spili. Eitraðir sveppir og takmark á fjölda spila á hendi gera svo áskorunina enn meiri.

VERÐLAUN OG VIÐURKENNINGAR

• 2014 International Gamers Award – General Strategy: Two-players – Tilnefning
• 2014 Games Magazine Best New Card Game – Sigurvegari
• 2014 Fairplay À la carte – Annað sæti
• 2012 Golden Geek Best Card Game – Tilnefning
• 2012 Golden Geek Best 2-Player Board Game – Tilnefning