Got Five!

Got Five! er spil um rökréttar ályktanir þar sem þið reynið að komast að því hvaða fimm tölur þið eruð með á standinum fyrir framan ykkur. Allir sjá annarra manna flísar, en ekki sínar eigin, og þurfa að reiða sig á upplýsingar sem koma fram, klókar spurningar, og nákvæma talningu til að fækka möguleikum. Allar flísar sem birtast í spilinu eru sýnilegar öllum, svo þrautin þróast og verðlaunar þau sem fylgjast vel með og draga góðar ályktanir.

Þegar þú átt leik, þá snýrð þú við einni flís á miðju borðinu, sem bætir upplýsingum á borðið, og notar svo eina af flísunum sem eru í boði til að fá vísbendingu frá leikmanninum við hliðina á þér. Þú mátt biðja um að raða flísinni á réttan stað á milli talnanna þinna, eða að bera saman punktana undir tölunum þínum. Þessar vísbendingar, ásamt því að flísarnar þínar eru í réttri talnaröð og í ákveðnum litum eru upplýsingar sem þú notar til að útiloka möguleika og draga ályktanir um tölurnar á flísunum.

Hvenær sem er má hvert ykkar sem er kalla „Got Five!“ og segja hvaða tölur eru á flísunum sínum í hækkandi röð. Ef það er rétt, þá er sigurvegarinn fundinn! Ein mistök munu hins vegar útiloka leikmanninn úr keppninni, svo tímasetningin skiptir öllu máli.

Einfaldar reglur, upplýsingar sem allir deila, og keppni í að leysa sína þraut á undan hinum gerir Got Five! að snöggu og spennandi ályktunarspili fyrir fjölskyldu og vini.