Hollywood 1947

Árið er 1947 og þú ert meðlimur hins blómlega kvikmyndaiðnaðar í Hollywood. Hins vegar liggur grunur á að það séu kommúnistar meðal starfsmanna í stúdíóinu ykkar sem séu að lauma „óþjóðræknum“ skilaboðum, þemum, propsi, og línum í bíómyndirnar ykkar! Munuð þið finna alla kommúnistana áður en stúdíóinu verður lokað af yfirvöldum? Eða munuð þið sjálf liggja undir grun og verða bönnuð úr iðnaðinum?

Í þessu spili fær hvert ykkar hlutverk í leyni: Föðurlandsvinur, Kommúnisti, eða Rísandi stjarna. Í hverri umferð fær hvert ykkar starf (til dæmis handritshöfundur, gaffer, leikstjóri, leikari, klippari, og svo framvegis). Þessi störf munu hafa áhrif á hvers lags mynd verður gerð í þessari umferð, hvaða spil eru í höndum leikmanna, og hver fær sérstakar upplýsingar. Þið getið valið um að sleppa starfinu ykkar og frekar endurkastað einhverjum tveimur teningum í spilinu. Í lok hverrar umferðar fá þau sem eru með stjörnur á teningunum sínum að setja spjald í bíómyndina.

Spjöldin sem bætast við eru stokkuð, eitt er tekið út og restin er sýnd. Liðið sem er með meirihluta af sýndum táknum (meðal annars táknin sem eru á plakati myndarinnar í þessari umferð) sigrar umferðina! Merkið sigurinn með því að setja kvikmyndafilmu þess liðs yfir plakatið. Liðið sem fyrst sigrar 4 umferðir sigrar spilið. Rísandi stjarnan spilar með báðum liðum og reynir að láta spilið endast í 7 umferðir og að sjöunda umferðin endi með jafntefli.

Hollywood 1947 er afleiðslu, og blekkingarspil. Þú mátt aldrei sýna neinum spilin þín eða leynihlutverk við neinn, en þú mátt segja hvað sem þú vilt um spil sem þú setur í bíómynd, eða um hverjum þú heldur raunverulega með. Það er hvatt til opinnar umræðu um hvaða spil eru sett í myndina. En, ef þú ert Kommúnisti eða Rísandi stjarna, þá munu lygar hjálpa þér oftar því meirihluti leikmanna eru Föðurlandsvinir.

Þannig er tökum lokið! Flestir leikmenn ná tökum á spilinu eftir nokkrar mínútur. Þannig að dembið ykkur í kvikmyndagerð, en gætið að því hverjum þið treystið!

Hollywood 1947 er fimmta sjálfstæða spilið í Dark Cities seríunni frá Facade Games. Fyrri spil í seríunni eru Salem 1692, Tortuga 1667, Deadwood 1876 og Bristol 1350.