How Dare You?

• Pínkulítið spurningaspil sem þú getur spilað hvar sem er.
• Giskaðu á töluna, en ekki skjóta yfir markið!
• Léttið lundina á spilakvöldi, í matarboði eða með fjölskyldunni.

Eitt ykkar les spurningu (öll svörin eru tölur). Það ykkar sem er að svara reynir að giska á tölu sem er nálægt — en ekki hærra — en rétta svarið. Þið skiptist svo á að giska hærra en það sem var á undan, eða stoppið spilið því þið haldið að síðasta svar hafi verið of hátt.

Þegar spilið er stoppað þá er kíkt á svarið og það ykkar sem hefur rangt fyrir sér fær spilið að launum, og hver önd á spilinu er mínus! Þegar eitthvert ykkar er komið með nógu mörg spil er spilið búið og það ykkar sem er með flestar endur tapar. Allir hinir vinna.

Það þarf næstum ekkert borðpláss til að spila How Dare You? og er því hægt að grípa í það næstum hvar sem er.

Hægt er að bæta við tveimur aukareglum til að krydda spilið How Dare You? enn meira:

• Dobbla: Ef þú giskar á tölu sem er að minnsta kosti tvisvar sinnum hærri en sú sem kom á undan, þá færðu dobbluspil. Svoleiðis spil tekur eina önd af mínusnum þínum. Með þessari reglu eru leikmenn hvattir til að taka hærri gisk.
• Tvöföldun: Ef einhver skorar á þig, þá getur þú annað hvort tekið áskoruninni og kíkt á svarið eins og venjulega, eða þú getur svarað með því að tvöfalda. Leikmaðurinn sem hefur rangt fyrir sér fær þá tvöfalda refsingu (tvö spil í stað eins). En það ykkar sem stoppaði spilið má guggna á því og draga það til baka. Ef það gerist, þá verur viðkomandi að giska á hærri tölu og umferðin heldur áfram eins og ekkert hafi í skorist.