kaleiDOS er klifrandi slagaspil (e. ladder-climbing) þar sem þú vinnur slag með því að spila út hærra setti af jafnmörgum spilum og voru lögð út. Þú mátt spila út stökum spilum, pörum, þrennum, fernum, og sex í röð. Þríhyrningar eru veikasta sortin, og sexhyrningar sú sterkasta (einfaldasta leiðin til að muna það er að telja fjölda horna á forminu). Sortir eru notaðar til að meta styrk þegar tölur eru eins.
Til dæmis, ef einhver spilar út áttu-pari þar sem sterkasta sortin er fimmhyrningur, þá er ekki aðeins hægt að taka slaginn með hærra pari, heldur líka áttu-pari með sexhyrningi. Þegar búið er að leggja út spil, þá má segja pass og koma inn aftur seinna, en ef allir aðrir segja pass, þá er umferðin búin og hæsta settið sigrar slaginn.
Það má líka setja út 5 spila sett, sem eru metin eftir styrkleika í þessari röð (frá veikasta í sterkasta): Röð, samlit spil, fullt hús, 4 eins plús 1, og samlit röð.
Lokasnúningurinn í spilinu er að ásar og tvistar eru sterkustu spilin (tvistarnir sterkastir)! En ekki láta spilið klárast með tvista á hendi, því þeir margfalda stig andstæðinganna.
Umsagnir
Það eru engar umsagnir enn.