Ný útgáfa af hinu frábæra Las Vegas!
Las Vegas er auðvelt að læra, allir geta spilað og er ótrúlega skemmtilegt! Spilið gengur út á það að eignast mestan pening og til þess er kastað teningum.
Í borði eru sex spilavíti merkt 1-6, og peningur í boði við hvert þeirra. Hvert ykkar fær átta teninga og í hverri umferð kastið þið teningunum og veljið eina tölu til að setja á samsvarandi spilavíti. Ásar fara á ásinn, tvistar á tvistinn, og svo framvegis. Þegar þið hafið öll sett alla teninga á borðið, þá fáið þeið pening eftir því hvert ykkar á flesta teninga á hverjum stað.
Helsta skemmtun spilsins er nefnilega að keppa um spilavítin, og að sjá aðra leikmenn núlla hvorn annan út með því að vera með jafn mikið af teningum á einu kasínói!
Í þessari nýju útgáfu eru teningar fyrir sex leikmenn (voru fimm síðast), og tvær litlar breytingar. Sú fyrri er stór teningur í hverjum lit. Sá teningur gildir sem tveir teningar. Hin breytingin er „spilakassinn“ sem er notaður fyrir 5-6 leikmenn, en um hann gilda sérstakar reglur um teningana sem má setja á: Það má aldrei setja eins tölu og hefur þegar verið sett á spilakassann, og ef það er jafntefli þá gildir summa teninganna í þínum lit (og ef þar er jafntefli, þá gildir hæsta talan á teningunum í þínum lit).
Kastaðu teningunum og leyfðu þórðargleði að taka völdin!
Inga Sörens. –
Ótrúlega skemmtilegur leikur sem auðvelt er að læra!
Ég hreifst mjög af þessum leik þar sem að maður getur auðveldlega bara skemmt fyrir hinum ef manni gengur illa…. haha!
Líka skemmtilegt hvað spilarar eru jafnir í þessum leik þar sem öll herkænskan verður að hvíla á teningunum sem eru bundnir við lukkuna eina!
Helgi Þór Guðmundsson –
Þetta spil kom mér rosalega mikið á óvart. Ég keypti það eftir að hafa lesið mjög jákvæðar erlendar umsagnir en vissi í raun lítið sem ekkert um það.
Það er auðvelt að læra spilið, það er einfalt í spilun, mjög þrælskemmtilegt og tekur skamman tíma að spila svo það hentar vel hvort sem það er að grípa í stutt spil eða taka nokkrar umferðir.