Ligretto er hraður spilaleikur og frábær skemmtun fyrir alla fjölskylduna
Ligretto er í raun mjög einfalt spil með nokkrum einföldum reglum. Um leið og leikmenn hafa lært þær geta þeir unnið í því sem skiptir mestu máli… Að vera nógu snöggur! Markmiðið er að losna við öll spilin úr Ligretto bunkanum þínum á undan andstæðingunum, með því að vera fljótari að spila út samlitum spilum í réttri talnaröð (frá 1 upp í 10) í stafla á miðju borðinu.
Hraði er grundvallaratriði í spilinu. Þú verður að bregðast fljótt við. Allir leikmenn spila á sama tíma. Engin þarf að bíða, svo enginn verður óþolinmóður.
Ligretto kassarnir eru til í 3 mismunandi litum (rauður, blár og grænn). Allt að 8 leikmenn geta spilað saman ef notaðir eru tveir Ligretto kassar í mismunandi litum en að 12 leikmenn ef notaðir eru allir þrír litirnir.
Svanhildur –
Þvílíkur kleppari, fyrir marga að spila en ekki bara tvo, mæli með því. Mjög vinsælt hjá unglingunum á mínu heimili.
Katrín Helga Ágústsdóttir –
Ligretto: Grænn er spil sem vinnur mikið með hraða og líkist spilinu “Kleppari”. Það skemmtilega við það er að með einum pakka geta 4 spilað í einu (en ekki bara 2 eins og í kleppara). Ef Ligretto: Rauður, og Ligretto: Blár eru bætt við í safnið geta 12 manns spilað í einu þar sem eini munurinn á spilunum er mismunandi litur í bökunum (svo hægt sé að aðskilja stokka leikmanna eftir hverja umferð).