Hin friðsæla borg Rowan er umkringd hættulegum skrímslum. Borgararnir þurfa að vernda borgina, þjálfa hermenn, lækna, riddara, og töframenn til að verja borgina í Meeples & Monsters.
Meeples & Monsters er stórt og fallegt spil sem er knúið á sama hátt og hið vinsæla Quacks of Quedlinburg, með því að draga hluti upp úr poka, og kaupa hluti í pokann (e. bag-builder).
Þegar þú átt leik, þá dregur þú peð upp úr pokanum þínum og notar þau til að framkvæma allskonar aðgerðir sem í boði eru á leikborðinu. Þar á meðal er að uppfæra peðin, bæta peðum í pokann, berjast við skrímsli, rannsaka turna, eða jafnvel uppfæra bæinn og búa til fleiri valmöguleika á borðinu. Þegar umferðinni þinni er lokið, þá eru peðin sem þú dróst sett á sérstakann stað á spjaldinu þínu.
Á meðan á spilinu stendur munuð þið skora stig fyrir að drepa skrímsli, klára leiðangra, og rannsaka turna. Þegar spilinu lýkur, þá fáið þið enn fleiri stig fyrir að berjast við stjóra-skrímsli (e. boss monster) og lokaleiðöngrum. Það ykkar sem fær flest stig sigrar.
Umsagnir
Engar umsagnir komnar