Náttúruval

Íslenskt spil sem byggir á raunverulegum vísindagögnum um dýr frá öllum heimshornum.

Hvert ykkar dregur fimm spil á hendi. Þegar þú átt leik, þá velur þú flokk eða kastar teningunum. Næst veljið þið spil af hendi sem þið teljið líklegast til að vinna þennan flokk og spilar því út á grúfu. Þegar þið hafið öll lagt út spil, snúið spilunum við og berið saman hæsta/lægsta gildir. Það ykkar sem sigrar tekur sitt spil sem stig.

Þið ákveðið fyrir spilið upp á hve mörg stig þið ætlið að spila, og þegar því er náð er sigurvegarinn fundinn.

Í spilinu eru eftirfarandi flokkar:

• Fræðiheiti: Lengd fræðiheitis, fjöldi stafa
• Afkvæmi: Fjöldi afkvæma að meðaltali í einu goti
• Líftími: Meðallíftími í árum (í náttúrunni)
• Lengd: Líkamslengd fullorðins dýrs, eins og hún er mæld hjá dýrinu, frá toppi til táa eða yfir skelina og þess háttar
• Fætur: Fjöldi fóta
• Þyngd: Meðalþyngd fullorðins dýrs í kílóum

Með reglunum fylgja 5 afbrigði af spilinu, meðal annars til að geta spilað við börn á leikskólaaldri.

https://www.tiktok.com/@natturuval/video/7417164366778354976?is_from_webapp=1&sender_device=pc

Leiðréttingar á spilum

• Kría (þyngd): Hér varð innsláttarvilla, krían vegur einungis 90gr en ekki heil 900gr og því á að standa þarna 0,09-0,120kg
• Húsfluga (þyngd): Hér er verið að sýna vísindalegt snið á tölunni, talan er rétt en getur verið erfitt að lesa hana! Það sem stendur er að það á að setja 5 núll fyrir framan þessa tölu og fá þannig þessa ofsa smáu tölu 0,000012kg