Odin

Í Odin viltu losna við spilin þín af hendi eins fljótt og þú getur.

Odin á sér stað yfir nokkrar umferðir. Stokkurinn inniheldur sex sortir með tölunum 1-9 og hver leikmaður byrjar með níu spil á hendi.

Það ykkar sem byrjar leggur eitt spil á borðið. Næsti leikmaður þarf aðnnað hvort að segja pass (en má koma inn aftur seinna) eða spila út jafnmörgum (eða einu spili fleira) með hærra gildi. Þegar þú spilar út tveimur eða fleiri spilum, þá verða þau að vera annað hvort öll með sömu tölunni, eða öll í sama lit og þá er þeim raðað sem hæstu mögulegu tölunni (t.d. ekki 28, heldur 82). Ef þú spilar út spili, þá verður þú að taka eitt spil af borði úr síðasta setti sem var spilað út (restinni af því setti er hent í frákastsbunka) — þetta á ekki við það ykkar sem setur út fyrsta spilið.

Umferðin heldur áfram þar til eitthvert ykkar er ekki lengur með spil á hendi. Þá lýkur umferðinni strax. Ef þið segið öll pass, þá eru spilin á borðinu sett í frákastið og það ykkar sem spilaði síðast út spili fær að spila út næsta spili. Ef þú ert að byrja umferðina og getur spilað út öllum spilunum þínum af hendi (af því að þau eru öll í sama lit eða sama tala, þá máttu það — þó að þú sért að byrja umferðina.

Þegar umferð lýkur þá fáið þið eitt stig fyrir hvert spil sem þið eigið eftir á hendi. Ef eitthvert ykkar er komið með 15 stig, þá er spilið búið og það ykkar sem fékk fæst stig sigrar!

VERÐLAUN OG VIÐURKENNINGAR

• 2025 As d’Or – Jeu de l’Année – Sigurvegari
• 2024 Swiss Gamers Award Family – Tilnefningar