Ora et Labora

Ora et Labora er latína og þýðir „bænir og vinna“, enda eruð þið höfuð klausturs á miðöldum sem sölsar undir sig land og byggir byggingar — smáfyrirtæki til að ná aðföngum og auði. Markmiðið er að byggja upp innviði og framleiða dýrgripi eins og bækur, leirmuni, skrautmuni og helgidóma — allt til að fá flest stig í leikslok.

Ora et Labora er fimmta „stóra“ spil hins vinsæla spilahöfunds, Uwe Rosenberg og er með svipað gangverk og Le Havre, eins og tveggja-hliða aðfangaflísar sem hægt er að uppfæra úr grunnhlut í eitthvað meira nytsamlegt. Í stað þess að bæta aðföngum á borðið í hverri umferð eins og í Agricola og Le Havre þá notar Ora et Labora númeraða skífu til að sýna hve margar afurðir eru í boði hverju sinni. Í byrjun umferðar snúið þið skífunni um einn hluta, og stillið fjölda allra aðfanga á sama tíma.

Hvert ykkar fær sitt eigið spjald. Nýjar byggingar koma í spilið við og við, og þið getið byggt þær á spjaldinu með aðföngum sem þið hafið aflað, með nokkrum reglum um hvað má byggja hvar. Sumir reitir eru með tré eða mýri á sér í upphafi, eins og í Agricola: Farmers on the moor, sem hindrar uppbyggingu þar til jarðvegurinn hefur verið undirbúinn, og þessir reitir gefa af sér aðföng þegar þeir eru fjarlægðir. Klók uppbygging á spjaldinu þínu hefur áhrif á stigin þín í lokin, og þið getið keypt viðbótarjarðir í spilinu ef þið þurfið.

Þið hafið líka þrjá verkamenn sem geta farið inn í byggingar og gert aðgerðina sem tilheyrir þeirri byggingu. Verkamenn verða að vera á sínum stað þar til þú hefur lagt alla þrjá á borðið. Þú mátt fara í þínar eigin byggingar með verkamennina, en til að nota annarra manna byggingar þarftu að borga fyrir svo viðkomandi geti fært sinn eigin verkamann til að vinna fyrir þig.

Ora et Labora inniheldur tvö afbrigði: Frakkland og Írland.

VERÐLAUN OG VIÐURKENNINGAR

• 2013 Ludoteca Ideale Official Selection – Sigurvegari
• 2012 Spiel des Jahres Kennerspiel des Jahres – Meðmæli
• 2012 JoTa Best Gamer Game – Tilnefning
• 2012 International Gamers Award – General Strategy: Multi-player – Tilnefning
• 2012 Gra Roku Game of the Year – Tilnefning
• 2012 Golden Geek Best Strategy Board Game – Tilnefning
• 2012 Best Gamer Game Critic Award
• 2011 Meeples’ Choice Award
• 2011 Jogo do Ano – Sigurvegari
• 2011 Jocul Anului în România Advanced – Úrslit