Pig hole

Einfalt og fallegt teningaspil þar sem þið fáið öll jafnmörg svín, og reynið að vera fyrst til að losna við öll svínin ykkar með því að fá réttu tölurnar á teningana.

Þið byrjið spilið á að dreifa svínunum jafnt á milli allra, og setjið leikborðið í miðjuna.

Í upphafi er ekkert svín á leikborðinu. Í fyrstu umferðinni kasta allir teningnum einu sinni og setja svín frá sér á töluna sem kemur upp. Til dæmis, ef það kemur upp 5, þá setur þú eitt svín á fimmureitinn á borðinu. Ef þú færð 6, þá setur þú eitt svín í holuna á borðinu. Það svín er núna frá í spilinu. Ef þú færð 6 (og hefur sett svín í holuna), þá máttu velja um að kasta aftur eða rétta næsta leikmanni teninginn.

Í annarri umferð máttu kasta tvisvar, en verður að kasta einu sinni. Í þriðju umferð máttu kasta eins oft og þú vilt.

Ef þú færð tölu sem er þegar full af svínum, þá þarftu að taka öll svínin sem eru á leikborðinu. Næsta umferð eftir það hefst á að allir mega aðeins kasta einu sinni.

Sigurvegarinn er það ykkar sem fyrst losnar við öll svínin sín.