Postcards

Bonjour, og velkomin í Postcards, borðspil sem fjallar um að upplifa fegurðina í Frakklandi með einu póstkorti í einu.

Hoppið á reiðhjólið og haldið í heillandi ævintýri þar sem þið keppið við vini ykkar um að fá sem mest út úr ógleymanlegu fríi. Postcards er fjölskylduvænt spil sem fer með ykkur í ferðalag um Frakkland, fullt af innblásinni menningu, stórkostlegu landslagi og ljúffengri matargerð.

Markmið spilsins er einfalt: Hjólið í gegnum 13 mismunandi héröð í Frakklandi, heimsækið eins marga þekkta staði og hægt er, og deilið ferðalaginu með því að senda póstkort heim. Hvert póstkort sem er sent kemur ykkur skrefi nær sigri, svo gríptu vini þína með þér, stígðu á pedalana og láttu ævintýrið byrja.

Þegar þú átt leik, þá spilar þú út Ferðaspili (e. Travel card) til að framkvæma mismunandi aðgerðir sem eru í boði: Taka nýtt póstkort, setja upp tjald, setja frímerki á póstkortið, eða færa þig á nýtt svæði.

Póstkort eru helsta leiðin til að fá stig í spilinu, svo líttu eftir póstkortum frá svæðum sem passa við ferðaáætlunina þína. Sum póstkort eru meira virði en önnur, en gætið að: fleiri stig þýðir líka að það þarf fleiri frímerki.

Þú notar dýrmæt Ferðaspil til að stimpla póstkortin, sem takmarkar möguleikana í hverri umferð, svo veldu vel… Til að senda póstkort þarftu að vera í héraðinu þaðan póstkortið kemur, svo vertu viss um að eiga nóg af Ferðaspilum til að komast þangað.

Allar þessar hjólreiðar eru erfiðisvinna, svo mundu að taka tíma frá í afslöppun! Tjaldið gefur þér tækifæri til að njóta merkisstaðanna á svæðinu sem þú ert á, og safna minjagripum sem gefa aukastig og bónusa.

Spilinu lýkur þegar eitt eykkar hefur sent fjórða póstkortið sitt, og sigurvegarinn er það ykkar sem safnaði flestum stigum á ferðalaginu.