Salem 1692

Ásakið og verjið félaga ykkar í þorpinu í leit ykkar að nornunum í Salem. Vandið valið, svo samsæriskenningarnar snúist ekki gegn ykkur sjálfum.

Árið er 1692, og það er ekki góður tími til að búa í Salem, Massachusetts. Eitt rangt skref, eða ein röng ásökun gæti sett snöruna um hálsinn á þér. Spilið leiðir ykkur inn í þennan hættulega heim og lætur ykkur endurlifa spennuna, pólitíkina, og öfgatrúarbrögðin sem fólk er enn að tala um í dag, 300 árum seinna.

Spilið er laglega pakkað inn í gervibók sem lokast með segli, og lítur vel út í bókahillunni.

Þið fáið hlutverk þorpsbúa frá Salem, og að auki stutt æviágrip þeirra. Þjónustustúlkan Mary Warren, presturinn Samuel Parris, bóndinn John Proctor, sögumaðurinn Tituba, og betlarinn Sarah Good eru meðal þeirra 12 persóna sem eru í spilinu.

Í hlutverki þessara persóna fær hvert ykkar 3-5 Tryal spil sem segja ykkur hvort þið séuð norn eða ekki (fjöldi spila fer eftir fjölda leikmanna).

Á meðan þið spilið, þá notið þið spil til að ásaka, eða verja, aðra leikmenn. Lykillinn að því að lifa af er að ákveða hverju á að treysta, því þú getur aldrei notað spil á persónuna þína. Þegar þú grunar persónu um að vera norn, þá getur þú byrjað að ásaka hana með rauðum ásökunarspilum. Þegar nógu margar ásakanir eru komnar á eitt ykkar, þá fær það ykkar sem leggur síðasta ásökunarspilið að velja eitt af Tryal spilum ásakaða leikmannsins og snúa því við. Þegar búið er að finna öll nornaspilin, þá sigra þorpsbúar.

Þið getið líka notað græn og blá spil eins og „Fjarvistarsönnun“, „Hæli“, „Hjónabandsmiðlari“ og fleiri til að hjálpa eða hindra þeim sem þið treystið eða andstæðingum.

Í stokknum sem þið dragið spil eru líka svört spil. Þegar þau eru dregin virkjast þau strax. Annað svarta spilið er Nótt sem neyðir ykkur öll til að loka augunum á meðan nornirnar velja einn leikmann til að taka úr leik, og lögreglumaðurinn velur einhvern til að mögulega bjarga. Hitt svarta spilið er Samsæri, sem neyðir ykkur öll til að taka eitt Tryal spil sem er á grúfu hjá leikmanninum til vinstri við ykkur. Það skipti miklu máli að drepa nornirnar hratt, því annars gæti Samsæri gert allan bæinn að handbendi hins illa.

Áður en langt um líður munu ásakanir ganga á milli og öskrin „Hún er NORN!“ vekja nágrannana. Verður þú hetjan sem hreinsar bæinn þinn af nornum, eða verður þú fórnarlamb rangra ásakana? Eða kannski verður þú norn, sleppur undan ásökunum og skilur Salem eftir sem rústir einar.

Salem 1692 er fyrsta spilið í Dark Cities seríunni eftir Facade Games.

Athugið að spilið er á ensku.