Scout

Í Scout hefur hvert spil sem þú ert með á hendi tvö möguleg gildi, en þú mátt ekki endurraða spilunum á hendi og þú mátt segja pass til að taka spil af borðinu og setja í höndina þína.

Nánar tiltekið, þá er hvert spil með tveimur tölum, sem eru á sínum hvorum helmingnum á spilinu. Þannig eru 45 spil í bunkanum með blöndu af tölum frá 1-10. Þegar þú færð spilin á hendi, þá máttu ekki stokka þau eða endurraða þeim. Hins vegar máttu — í upphafi umferðar — snúa spilunum þínum sem heild við og nota hinar tölurnar á þeim.

Þegar þú átt leik, þá máttu gera eina af tveimur aðgerðum:

• Spila út spili: Þú velur eitt eða fleiri spil sem liggja hlið við hlið og eru öll með sömu tölu, eða eru með tölur í réttri röð (hvort sem það er talið upp eða niður), og svo spilar þú út þessum spilum á borðið. Þetta máttu bara gera ef borðið er tómt (eins og fyrst í umferðinni), eða þegar þú ert að setja hærra sett en er þegar á borðinu. Sett er hærra ef það er með fleiri spilum eða hærri tölum en eru þegar á borðinu. Ef þú spilar hærra en sett sem er á borðinu, þá tekur þú það sett og setur á hvolf fyrir framan þig.
• Skáta (e. scout): Þú tekur spil frá öðrum hvorum endanum á settinu á borðinu, og setur það hvar sem er í höndina þina. Hver sem spilaði settinu út fær í staðinn 1 VP merkil sem verðlaun fyrir að spila út setti sem ekki er sigrað.

Einu sinni í umferð máttu skáta, og svo spila strax út spili.

Þegar einhvert ykkar hefur klárað öll spilin af hendi eða öll nema eitt hafið skátað í stað þess að spila, þá er umferðinni lokið. Þið fáið 1 VP merkil fyrir hvert spil sem er á hvolfi fyrir framan ykkur, og mínusið eitt stig fyrir hvert spil sem er enn á hendi (nema það hafi verið þú hafir átt settið sem allir skátuðu út umferðina). Spilið eins margar umferðir og fjöldi leikmanna, og svo sigrar það ykkar sem er með flest stig.

VERÐLAUN OG VIÐURKENNINGAR

• 2022 Spiel des Jahres – Tilnefning