Silver

Varúlfar hafa sest að í þorpinu ykkar, og þú sérð hve margir þeir eru á tölunni á spilunum þínum. Til að losna við þessa vígtenntu villimenn hraðar en þorpin í kring, þá getur þú notað hæfileika hvers þorpsbúa og leynivopnið þitt: silfurkúluna.

Kallaðu alla saman í talningu þegar þú heldur þú sért með fæsta varúlfa, en gættu þín; hinir fá að gera einu sinni enn áður en það er talið.

Silver er stutt og skemmtilegt hefðbundið spil með varúlfasnúningi! Allir byrja með fimm spil á hvolfi fyrir framan sig, og hver leikmaður má kíkja á tvö spilanna sinna. Spilin bera tölu frá 0-13 sem sýnir hve margir varúlfar laðast að þessari persónu, og hver manneskja hefur sérstakan mátt.

Þegar þú átt að gera, þá dregur þú efsta spilið í bunkanum eða frákastinu, og losar þig svo við spilið til að nota mátt þess (aðeins ef það kom úr bunkanum — ekki frákastinu), henda því án þess að nota máttinn (sama), eða skipta á því og einu spilanna þinna sem eru á hvolfi fyrir framan þig; þú getur skipt á mörgum spilum ef þau hafa öll sömu töluna, og þú verður að sýna spilin til að sanna það — það er refsað fyrir villur.

Silver er hægt að spila sem stakt spil og sameinað með öðrum Silver spilum. Hver útgáfa er með mismunandi mátt í spilunum.