Surf’s Up!

Skellið ykkur í sjóinn og náið ykkur í bestu öldurnar í Surf’s Up!

Þið keppist um stig með því að ná besta safninu af öldum í lok spilsins, forðist bluebottle marglyttur, skorið stig fyrir að para bretti við öldur, og með því að klára markmiðin 3 í spilinu.

3 næstu öldur eru alltaf sýnilegar ykkur. Þið veljið samtímis og sýnið spil með orku frá 1-5 sem er orkan sem þið ætlið að nýta í öldurnar (sem gefa 1-10 stig). Hæsta spilið sigrar ölduna. Ef tvö eða fleiri spil eru hæst, þá fær næst hæsta talan ölduna. „Virðing“ ræður úrslitum í jafnteflum, og hana er hægt að fá EÐA nota til að kaupa aukaorku og brimbretti (bónusstig).

Trikkið er að þegar þú vinnur öldu, þá er orkuspilið sem þú notaðir ekki lengur með, sem minnkar heildarorkuna þína, á meðan annað sætið og aðrir setja spilin í frákast en geta fengið þau síðar. Svo það er ekki alslæmt að lenda í öðru sæti, og safna virðingu eða kaupa brimbretti…

Fullkominn leikur er að nota akkúrat nóg af orku til að sigra ölduna, og svo vanda valið á milli virðingar og hvað hægt er að kaupa.