September 1939: Skipherra skipsins Admiral Graf Spee fær skipun um að sökkva eins mörgum breskum vöruflutningaskipum og hægt er í Suður-Atlantshafi. Markmiðið er að koma í veg fyrir að skipin komist yfir Atlantshafið með birgðir fyrir Bretland og aðra.
Fyrstu mánuðina virðist áætlunin ganga. Innan fáeinna vikna hefur Admiral Graf Spee sökkt níu vöruflutningaskipum og sent um það bil 50.000 brúttórúmlestir á sjávarbotn. Þessi gífurlegi skaði setur mikinn þrýsting á stríðsstjórnina í Whitehall í London. Til að vernda vöruflutningaskipin sem best hefur flotamálaráðuneytið engra annarra kosta völ en að styrkja enska flotann í Suður-Atlantshafi með því að senda þrjú beitiskip í það sem hefur síðan verið kallað River Plate bardaginn.
The Hunt er ósamhverft (e. asymmetrical) bardagaspil þar sem annar leikmaður tekur að sér að stjórna breska flotanum, en hinn þeim þýska. Hvor leikmaður hefur sinn eigin stokk. Til að Þjóðverjar vinni þarf skipið að fela sig fyrir breska flotanum nógu lengi til að sökkva fimm vöruflutningaskipum. Bretar þurfa að finna og berjast við Admiral Graf Spee, og leikmaðurinn sem endar með minni skaða sigrar.
Umsagnir
Engar umsagnir komnar