Toy Battle

Toy Battle er stutt og skemmtilegt kænskuspil fyrir tvo.

Á landi, á sjónum, í skýjunum, og jafnvel í geimnum, eru að brjótast út bardagar á milli leikfanga. Hermenn þínir þurfa á kænsku þinni að halda til að leiða þá til sigurs. Markmiðið þitt? Að vera á undan andstæðingnum í höfuðstöðvar hans, eða stjórna meira svæði en andstæðingurinn.

Þegar þú átt leik í Toy Battle, þá máttu velja um að draga tvo hermenn, eða leggja hermann á borðið og virkja kraftinn hans. Þegar þú leggur hermann niður, þá máttu

• setja hann á tóman reit,
• setja hann á reit sem þú þegar ert með hermann á,
• setja hann á reit sem andstæðingurinn á, en er með hermann með lægri tölu.

Hvað sem þú velur, þá þarftu að setja hermanninn á reit sem tengist þegar reit sem þú ert búinn að hertaka. Ef þú hertekur reiti sem umkringja svæði, þá færðu stjörnurnar á því svæði (þú missir þær ekki, þó þú missir yfirráðin).

Spilinu lýkur þegar þú nærð höfuðstöðvum andstæðingsins, eða nærð ákveðnum fjölda stjarna (sem fer eftir kortinu sem þið völduð að spila). Ef þú getur ekki dregið eða lagt niður hermann, þá lýkur spilinu og leikmaðurinn sem er með fleiri stjörnur sigrar.