Fimm vinalegir einhyrningar fá svo marga gesti að þeir þurfa að stækka Glitterluck kastala. Leikmenn vinna saman, með fínlegum hreyfingum, að stafla einhyrningum og skýjum, ásamt því að reyna að safna 10 verðmætum bleikum skýjakristöllum. Með því að kasta teningnum og færa Rosalie prinsessu er ráðskast um hverju á að stafla næst. Gætið ykkar! Ef eitthvað dettur, þá þarf að snúa við skýjaflis og þá gæti komið þrumuveður.
Allir leikmennirnir þurfa að stafla öllum einhyrningunum og safna öllum 10 kristöllunum áður en þrumuveður kemur þrisvar sinnum!
Sandra Tryggvadóttir –
Frábært spil fyrir litlar prinsessur af öllum kynjum. Fjögurra ára dóttir mín var mjög hrifin af spilinu. Spennan gekk jafn mikið út á þemað (bleikt, einhyrningar, demantar) og spilið sjálft. Það inniheldur samt marga áhugaverða þætti: Smá strategíu í að velja í hvaða átt maður færir hestinn til að lenda á besta reitinum, að stafla skýjunum og hestunum þannig að þeir detti ekki, folald með nafn (Rósalie minnir mig) sem gerir spilið persónlegra, og þrumuský sem birtast þegar eitthvað dettur úr kastalanum sem maður er að byggja. Margt skemmtilegt í gangi og frábært þema fyrir litlar prinsessur sem elska bleikt, einhyrninga og demanta.