UNO Zero er útgáfa af þessu klassíska spili þar sem markmiðið er að skora eins fá stig og hægt er (helst ekkert stig, þess vegna… zero). Hvert ykkar fær sex spil á grúfu fyrir framan sig, og raðar þeim í þrjá dálka og tvær raðir. Í byrjun hverrar umferðar megið þið opna tvö spil fyrir framan ykkur. Eftir það á það ykkar sem er að gera að draga eitt spil úr bunkanum eða frákastinu, og skipta á því spili og einu sem er fyrir framan ykkur. Ef þú færð tvö spil í sama lit eða með sömu tölu í sama dálk, þá máttu henda þeim spilum í frákastið. Þannig losnið þið við spilin ykkar.
Það sem gerir UNO Zero einstakt er að dæmigerð UNO spil eru partur af spilinu. Spilið sem snýr við hver gerir næst, spilið sem lætur einhvern draga 2 eða 4 spil og bæta þeim við spilin sín á borðinu. Og spilið sem lætur næsta leikmann sleppa úr umferð.
Þetta gerir spilið mjög óvænt og skemmtilegt. Hver umferð er mismunandi, og þið getið verið mjög heppin og verið með aðeins tvö spil í lokin, eða óheppin og með öll 12 spilin enn fyrir framan ykkur þegar eitthvert annað ykkar klárar spilið.
Þegar það er aðeins eitt spil á grúfu eftir fyrir framan þig, þá verður þú að segja UNO, því annars verður þér refsað með því að þurfa að draga tvö spil í viðbót. Það er auðvelt að læra og kenna þetta spil, og fljótlegt að stilla því upp.
Umsagnir
Það eru engar umsagnir enn.