Vigdís Finnbogadóttir tók þátt í stofnun Barnaheilla á Íslandi árið 1989 og hefur verið verndari samtakanna frá upphafi. Nafnið Barnaheill er jafnframt komið úr hennar smiðju.
Með Vigdísarstokknum heiðrum við framlag Vigdísar og þau gildi sem hún hefur alla tíð staðið fyrir; jafnrétti, sjálfbærni, menntun og virðingu fyrir öllum börnum.
Stokkurinn er prýddur stórkostlegum myndum Ránar Flygenring úr bókinni Vigdís – bókin um fyrsta konuforsetann.
Um er að ræða hefðbundinn spilastokk með 52 spilum og tveimur jokerum, framleiddan úr vönduðum 320 g black core spilapappír.
Allur ágóði af sölu Vigdísarstokksins rennur óskiptur til alþjóðlegra verkefna Barnaheilla í Síerra Leóne, Madagaskar, Tansaníu og Írak. Þar vinna Barnaheill meðal annars að því að vernda börn gegn ofbeldi, tryggja þeim aðgang að menntun, efla réttindi og tækifæri stúlkna og styðja fjölskyldur við að byggja upp öruggara og sjálfbærara líf.
Takmarkað upplag.
Umsagnir
Það eru engar umsagnir enn.